A FRATERNIDADE DO DRAGÓN

Dragal ten a todos os cabaleiros da súa orde a pleno rendemento. A Fraternidade do Dragón da Cañiza amósanos no seu blog da biblioteca como van facer para manter viva a lenda do Dragón e espertar a curiosidade nos dragaliños/as polo patrimonio inmaterial e a maxia do noso día a día que fica agochada para os non curiosos.

CANDO PETAN NA PORTA POLA NOITE

Guía de lectura da Editorial Xerais sobre a novela de Xabier Pérez Docampo para traballar co voso alumnado.

Web do escritor AQUÍ

Cando Petan Na Prota Pola Noite by Loli Cid Cid

A MAXIA DO PICO SACRO

CARTAS DE INVERNO

Guía de lectura para achegarte á novela de misterio de Agustín Fernández Paz, Cartas de inverno, da editorial Xerais. 
 

Cartas de Inverno by Loli Cid Cid

MADE IN GALICIA

Guía de lectura de Made in Galicia, de Sechu Sende, que atoparedes no Slide e que fixo Xosé María Moreno Villar.

Guía de Lectura de "Made in Galiza". Por Xosé María Moreno Villar from Coordinadora Galega ENDL

LENDO DRAGAL

Da web dragal.eu

A triloxía de Dragal é moito máis ca unha viaxe fantástica ao mundo dos dragóns e todos os poderes que a escritora lle quixo atribuír. 

Se fiamos máis fino podemos descubrir boa parte da historia de Galicia dende os primeiros séculos ata a Idade Media. Son moitos os elementos históricos, pero ben dosificados e sen relentizar a lectura,  que nos dan acceso a este coñecemento: os cabaleiros da Orde de Dragal (ou de Santiago), as orixes do reino Suevo e a adoración pagá a un ser máxico e todopoderoso: o dragón, a chegada do cristianismo e  da evanxelización (Martiño Dumio), a morte e traslado dos restos do Apóstolo Santiago, o papel da Raíña Lupa na historia de Santiago, asistimos a clases de alquimia, arquitectura, astronomía ou medicina e ficamos sorprendidos unha vez máis do papel decisivo que xogan as mulleres en moitos momentos importantes da nosa historia sen perder o fío da lectura. 

Hai algo especial neste libro que nos ten cativos, as ansias de saber máis cousas da historia de Dragal, pero tamén da nosa historia. A conto disto, penso que aínda podemos ler o libro cuns lentes diferentes e interpretar a homenaxe que a autora fai ao dragón, un ser diferente, que foi perseguido e dominado ata case facelo desaparecer, como unha metáfora da nosa cultura. Hoxe máis ca nunca a nosa marca de identidade cultural, a nosa lingua, fica perseguida en silencio. Esta é a ferramenta máis poderosa, o silencia, a indiferencia, en Galicia poucos defende o noso, ese algo especial que nos caracteriza. Unha vez máis ficamos sometidos e encadeados como Hadrián dentro do seu cuarto, sen forza para pronunciar palabra, sen alento nin enerxia para expresar o que sentimos. Parece que tiveramos a pel impregnada co zume da submisión milenaria que vivimos dende a Idade Media e da cal non acabamos de desprendernos. 

No libro fálase de como a igrexa intentou desfacerse de todos aqueles símbolos que caracterizaban a cultura pagá que os nosos antergos defendían, porque os crían seres diabólicos. Pero a pregunta é esta: credes que conseguiron liberarnos dese “inferno”, como di don Xurxo ao referirse ao templo de Dragal e ao subsolo? 

Eu creo que no noso mundo segue habendo seres diabólicos ou monstros, moito máis poderosos que os das lendas e sobre todo, máis reais e daniños para todos nós. 

Moita xente fica perdida no labirinto da vida, pero desta vez non hai ningún nobelo máxico nin ningún puñal máxico que nos axude a vencer á besta e saír do xogo de carreiros.

Persoalmente o final decepcionoume, debe ser porque fico decepcionada na vida por moitas cousas ou porque a mentira me produce indixestión e anoxo. Como permanecer inócuos ao veleno da falsidade, da arrogancia e da falta de sentimento da xente coa que te vas cruzando ou que tenta dirixir este país? Está difícil, e como anuncia Elena Gallego na súa novela un novo tempo é chegado ou como din os maias a fin dun mundo é chegado.

BOOKTRAILER DE DRAGAL

O booktrailer da triloxía do dragón presenta as novelas desta saga de ficción.